Објавени номинациите за „Играч на годината“ според „Globe Soccer Awards“

На крајот на годината во Дубаи по традиција се собира фудбалската елита и се избираат најдобрите за минатата година, односно да бидат доделени наградите на Globe Soccer Awards.

Седум фудбалери се номинирани за најдобар играч за минатата година, а дури четворица се од европскиот шампион Ливерпул – Алисон, Мохамед Салах, Садио Мане и Ван Дајк.

Кристиано Роналдо и Лионел Меси традиционално се меѓу номинираните за најдобар играч, а оваа година ќе им се приклучи и ѕвездата од Манчестер Сити, Бернардо Силва.

Во конкуренција на клубови за титулата „најдобар“ ќе се борат – Ајакс, Ливерпул и женскиот тим на Лион.

Кај тренерите номинирани се петмина фудбалски стратези, а наградата ќе се доделува на 29-ти декември на церемонија во Дубаи.