Обложувалниците се огласија: Еве кое место и се предвидува на Македонија на Светското првенство

На 10-ти јануари започнува Светското првенство во ракомет кое ќе се одржи во Данска и Германија.

Македонија ова Светско првенство ќе го започне на 11-ти јануари и тоа со натпреварот против Јапонија. Освен Јапонија во нашата група ќе играат Шпанија, Хрватска, Ислан и Бахреин.

За нашата селекција ова ќе биде шести настап на еден Мундијал, на кој ќе се обидеме да го подобриме нашиот најдобар пласман кој засега е 9-тата позиција.

На неколку дена пред почетокот се појавија и коефициентите за пласманот на репрезентацијата.

Така обложувалниците и предвидуваат на Македонија пласман на 11-тата позиција, додека најголеми шанси за освојување и се дава на селекцијата на Данска. Зад Данска следуваат: Франција, Шпанија, Германија, Норвешка, Хрватска, Шведска Унгарија, Катар и Русија.