Обамејанг се сели во Серија А

Пјер Емерик Обамејанг минатото лето пристигна во Челзи од Барселона, но неговата авантура на „Стенфорд Бриџ“ ќе трае кратко.

Обамејанг не добиваше голема минутажа оваа сезона, па клубот му ја отвори излезната врата.

Интерес за него покажуваат италијанските гиганти Милан и Интер кои сакаат да ја искористат ситуацијата и да го доведат во своите редови.

Напаѓачот е спремен да се врати во Серија А, бидејќи кариерата ја започна токму во Милан.