НОВАТА ЦЕЛ НА ПЕРЕЗ: Од него ќе направи светска класа!

Реал Мадрид оваа сезона има проблеми, и понатаму се прилагодува на живот по Роналдо, а ќе има работа за скаутите кои се обидуваат да ја пронајдат вистинската замена за споменатиот Роналдо, па и за Модриќ, Крос, Бензема, Бејл, Марсело, Рамос и останатите кои веќе долго време играат во овој клуб.

Смена на генерацијата е блиску, тоа е една од причините зошто се доведени млади играчи во претходниот период, а со тоа темпо и ќе се продолжи на зима. Новата цел е младиот репрезентативец на Шпанија, Алфонсо Педраза кој настапува за Виљареал и кој има откупна клаузула од 22 милиони евра.

Ова момче игра лев бек и би бил природна замена за Марсело, во Реал сметаат дека од него би можеле да направат играч од светска класа доколку се се вклопи, бидејќи е несомнено дека 22-годишниот фудбалер има потенцијал за такво нешто. Брз е, има чувство за гол, како и за асистенција, па често игра и како левокрилен напаѓач.