Нов проблем за Голден Стејт: Стеф Кари скрши рака! (ВИДЕО)

Првата ѕвезда на Голден Стејт Стеф Кари доживеа тешка скршеница на раката во натпреварот против Феникс Санс.

Кари при едно положување падна на раката, а дополнителни проблеми му направи Арон Бејнс кој после падот му седна на раката.

Стеф повеќе не можеше да го продолжи натпреварот. Излезе од игра, а се покажа дека станува збор за скршеница на раката и него долго време нема да го гледаме на паркетот.

Ова секако е тежок удар за Вориорсите. Поранешните шампиони оваа сезона играат како некој да ги проколнал бидејќи претходно останаа и без Клеј Томпсон кој се повреди во финишот на минатата сезона и нема да го гледаме цела сезона.