Ништо од трансферот: Муниаин останува верен на Атлетик Билбао!

Левото крило на Атлетик Билбао, Икер Муниаин денес и официјално стави потпус на нов договор и се обврза на верност со баскискиот клуб до 2024 година.

Договорот на Муниаин истекуваше на крајот на сезоната, па поради големиот интерес од неколку европски гиганти се претпоставуваше дека ќе си замине од Билбао како слободен агент.

Меѓутоа, 25-годишниот Шпанец реши да му остане верен на својот матичен клуб, каде е дел од првиот тим уште од 2009 година. Билбао денес и официјално го потврди договорот и потенцираше дека во него нема откупна клаузула.

Муниаин оваа сезона има 11 настапи во Примера на кои постигна 4 гола.