Најдобрите македонски ракометни судии денес го стартуваат Европското првенство

Покрај најдобрата македонска ракометна репрезентација, нашата земја на Европското првенство во Германија ја претставуваат и двајцата судии Ѓорѓи Начевски и Славе Николов.

Европската ракометна федерација ги делегираше официјалните лица за натпреварите кои ќе се одиграат в сабота.

Нашиот судиски пар Начевски и Николов својот прв меч на континенталниот собир ќе го имаат денес од 18.00 часот во рамките од групата „Д“ во Берлин кога се среќаваат Полска и Словенија.

Делегати на средбата во „Мерцедес-Бенц Арена“ се Кармен Лопез Манчадо од Шпанија и Герхард Рајзингер.

Во првото коло од оваа група Словенија со 32:29 славеше против Фарски Острови, додека Норвешка со 32:21 ја надигра Полска.