Мурињо прави глупави потези и казнува погрешни играчи

Џон Гилс, некогашен играч за врска на Манчестер Јунајтед, остро го критикуваше менаџерот на „црвените ѓаволи“, Жозе Мурињо.

Португалецот неодамна жестоко ги обвини Лук Шо и Крис Смолинг за „предавство“ бидејќи не можеа да играат, а Гилс смета дека Мурињо претерува со обвинувањата кон овие фудбалери.

„Тој ги обвинува и им ги крати платите бидејќи смета дека ги лажирале повредите. Тоа му е глупав потег и така само може да и наштети на екипата. Наместо скапите засилувања, тој ги казнува момците кои се најмалку виновни и тоа според мене е најголемиот грев на Мурињо во Јунајтед. Со играчите треба да имате добар однос во соблекувалната, а не да ги навредува и обвинува за предавство“, смета Гилс.

Пред последниот меч од Премиер лигата против Свонси, дуото се пожали на повреда пред самиот натпревар, па Мурињо беше принуден да го менува составот.