Мурињо одлучи кој голман ќе брани во финалето од ЛЕ

Фудбалерите на Манчестер Јунајтед се пласираа во финалето од Лигата на Европа откако беа подобри во двата натпревари против Селта Виго.

Избраниците на Жозе Мурињо во двата натпревари славеа со вкупни 2:1 и така се пласираа во финалето од ЛЕ каде што силите ќе ги одмерат против Ајакс. Во ова натрпеварување на голот на „Црвените ѓаволи“ беше Серхио Ромеро, а многумина се прашуваа дали Мурињо во финалето ќе оди на сигурно, односно на голот да го стави Давид Де Геа.

Поргугалскиот стратег не сакаше да го избегне одговорот на ова прашање, па јасно кажа дека нема причина тоа да му го стори на Ромеро, кој целото натпреварувања беше прв избор.

„За мене нема сомнежи. Имам двајца фантастични голмани. Доколку се оди по планот, на голот во финалето ќе биде Ромеро. Нема никаква смисла да го оставам на клупата, кога бранеше на сите натпревари“, изјави Мурињо.