Монако објави дека потпиша договор со играчот на Јунајтед, па го избриша постот (ФОТО)

Монако кој се обидува да се спаси од испаѓање од Лига 1 на момент пријатно ги изненади своите фанови.

Андер Ерера најави заминување од Манчестер Јунајтед и се прости од клубот, а многу најави сугерираат дека оди во ПСЖ, па поради тоа оваа објава на Монако беше големо изненадување.

Тимот од Кнежеството на својот Твитер објави вест дека Ерера официјално е нов играч на Монако.

„Задоволни сме што можеме да соопштиме дека Андер Ерера потпиша. Добредојде во клубот Андер“,објавено беше на Твитер профилот на Монако.

Сепак, набрзо тој пост беше избришан, а навивачите ширум светот се прашуваат дали има вистина во сето ова.