Михајловски: Одлуката за исфрлање на Вардар од ЛШ не е конечна, ќе одиме на суд

Како што неофицијално објави специјализираниот сајт за ракомет „Балкан-Хендбол“, Европската ракометна федерација донела одлука да му забрани на македонскиот шампион Вардар да настапува во Лигата на шампионите на ЕХФ во сезоната 2022/2023.

Причина за ваквата одлука е нерасчистената финансиска состојба и неисплатени долгови кон некои ракометари.

Првиот човек на Вардар, Михајло Михајловски за „Слободен печат“ изјави дека тоа е заради долговите од претходното раководство и дека одлуката не е конечна.

„Јас сум во Келн. Извршниот комитет на ЕХФ во петокот донеле предлог-заклучок, а јас ќе имам раазговор со господинот Михаел Видерер, но најверојатно ќе одиме на суд. Овој предлог-заклучок е поради долговите на претходното раководство, а одлуката се уште не е конечна“, изјави Михајловски за „Слободен печат“.

Фото: РК Вардар