Митревски: Ова е мало финале, Австрија не е подобра

Денес од 18:15 часот Македонија ќе игра против Австрија и ова за нас е клучен натпревар за пласман во следната фаза.

Македонија неколку сценарија ја водат во следната фаза (повеќе тука), но она кое е најреално е ние да ја победиме Австрија со два или повеќе гола разлика.

Во претходните два натпревари на Австрија импресивна игра прикажаа бековите на оваа селекција, Божовиќ и Билик. Голманот Никола Митревски на овој натпревар гледа како на мало финале.

„За нас ова е мало финале. Австрија во квалитет не е подбра од нас, можеме да ја победиме и ако го направиме тоа поразот од Чешка ќе стане неважен. Наше е да дадеме се од себе. Одбраната е таа која решава големи натпревар каков што е овој. Божовиќ и Билик сигурни ќе шутнат 30 пати, но јас мислам дека најважно е да не им дозволиме да се разиграат нивните крила. Против Украина Вебер имаше осум од осум, ако ние ги намалиме головите на другите играчи, тогаш тие двајца нека имаат вкупно 15-16“, изјави Митревски.