Миовски ги замолкна Грците со знакот за Обединета Македонија

Maкедонскиот репрезентативец Бојан Миовски одигра одличен натпревар, но сепак неговиот Абердин запиша пораз во Конференциската лига од ПАОК на домашен терен.

На стартот од вториот дел Миовски го отвори резултатот, а набрзо потоа и асистираше за водство од 2:0 на шкотскиот тим.

Македонецот погодокот го прослави токму пред навивачите на ПАОК и ги поздрави со знакот за Обединета Македонија.

ПАОК од 73. минута до крајот на средбата постигна три гола за голем пресврт и освојување на трите бода.

На табелата грчкиот тим е лидер со девет освоени бодови, Ајнтрахт е втор со шест додека Абердин и ХЈК имаат по еден бод.