Милан ќе купува во Германија: Италијанскиот гигант „фрли око“ на дуото од Баерн Минхен

Милан „фрли око“ на дуото на Баерн Минхен, јавува „TuttoSport“, а играчите за кого е заинтересиран гигантот од Серија А се Артуро Видал и Ренато Санчез.

20-годишниот Санчез игра на позајмица во Премиер лигата и тоа во тимот на Свонси. На Санчез не му оди ниту малку добро во Свонси, а показател за тоа се само деветте стартови и само трите влегувања од клупата. Покрај тоа, од доаѓањето во Свонси не постигна ниту еден гол, а ниту асистираше.

Се уште не е познато колку Милан ќе подготви за Санчез кој е голем талент, но нешто се случува, а што уште не се знае. Милан исто така сака да го доведе и Артуро Видал, а конкуренција ќе им прави Интер кој исто така покажа интерес. Како за Санчез, така и за Видал не е позната сумата која Милан ќе ја испрати на клубот од Германија.