Менаџер барал од фудбалер да добие црвен картон, му нудел 40.000 евра

Голем скандал го тресе грчкиот фудбал по мечот помеѓу Волос и Олимпијакос откако фудбалерот Жан Баринетос од редовите на Волос го пријавил неговиот менаџер дека барал од него да добие црвен картон.

Менаџерот му пристапил на фудбалерот со барање и нудење награда од 40.000 евра за да добие црвен картон. Фудбалерот тоа го одбил и го пријавил во полиција.

Сомневањата се дека постоела криминална група или повеќе групи кои сакале да се обложат на него и добро да зарабоатат.

Отворена е истрага против него и ќе се истражува кој е вмешан, иако ова е само еден од големиот број скандали кои се случуваат во грчкиот фудбал во последните години.

Бариентос е фудбалер роден во Монтевидео, а кариерата ја започнал во Расинг, а потоа играл за Гимараеш во Португалија, Висла во Полска, Олимпо и Мелгар, па повторно за Расинг. Во Грција е од 2019 година.