Со победата против Карлос Алкараз, ДАНИЛ МЕДВЕДЕВ се пласираше во финалето на УС Опен каде ќе се обиде да ја освои титулата над Новак Ѓоковиќ.
Третиот носител на УС Опен го победи бранителот на титулата и прв носител Карлос Алкараз со 7:6(3), 6:1, 3:6, 6:3 и стигна до финалето.
Уште еден поткаст! Fat Cacko: Од гитара до Fat kitchen bistro и најдобриот бургер во градот ↓↓↓
Рускиот тенисер одигра одличен меч против Алкараз и големиот број навивачи кои го туркаа 20-годишниот Шпанец во ново финале.
Токму за нив зборуваше Медведев по победата која му даде можност да ја освои втората грен слем титула. Да потсетиме дека единствено го освои УС Опен во 2021 година.
„Публиката беше неверојатна денес, апсолутно неверојатна. Единствениот проблем беа 1.000 Шпанци кои почнаа да викаат помеѓу мојот прв и втор сервис при 5:3 во четвртиот сет. Не беше убаво, но претпоставувам дека беа очајни“, рече Медведев.