Манчини не е повеќе селектор на Саудиска Арабија

Роберто Манчини и Саудиска Арабија се разделија по само нешто повеќе од една година соработка.

Манчини беше назначен за селектор на Саудиска Арабија во август 2023 година и потпиша четиригодишен договор. Сепак, потпросечните резултати на националниот тим изминатиот период ги натераа челниците на саудискиот фудбал да реагираат и спогодбено да го раскинат договорот Италијанецот.

Тој 20 натпревари ја предводеше селекцијата на таа земја. Забележа 8 победи, 7 нерешени и 5 порази.

Саудиска Арабија моментално е на третото место во групата Ц од азиските квалификации за Светското првенство во 2026 година, со 5 бода по четири кола.