Манчестер Јунајтед спреми 60 милиони за Муса Дембеле

Раководството на Манчестер Јунајтед е спремно да понуди 60 милиони фунти за ѕвезда на Лион, Муса Дембеле, пренесуваат медиумите на Островот.

Приоритет на „црвените ѓаволи“  во летниот преоден рок ќе биде доведување на врвен напаѓач, а токму Дембеле е најголемата желба на менаџерот Солскјер.

Манчестер Јунајтед веќе подолго време ги следи настапите на францускиот напаѓач и верува дека сега е вистинско време за реализација на трансферот.

Лион остана без излез во Европа, па тешко може да ги задржи своите ѕвезди, а интересот за Муса Дембеле е огромен.

Манчестер Јунајтед сака да ја победи конкуренцијата, пред се од Челзи и веќе стапил во контакт со агентот на играчот, а наскоро ќе испрати понуда од 60 милиони фунти.

Се верува дека таа сума ќе ги задоволи финансиските апетити на францускиот клуб.