Манчестер Јунајтед на лето го продава Де Геа

Менаџерот на Манчестер Јунајтед, Соскјер е спремен на лето да продаде еден од двајцата голмани кои се борат за стартното место во тимот, пренесуваат медиумите на Островот.

Давид де Геа и Дин Хендерсон се двајца одлични голмани, но еден од нив на лето може да биде продаден, а фаворит е Шпанецот.

Хендерсон не сака да биде резерва, а Манчестер Јунајтед не сака да го загуби Англичанецот бидејќи смета дека може да биде иднина на тимот од „Олд Трафорд“.

Де Геа во последните две сезони не е на своето најдобро ниво, тој е еден од најплатените играчи во тимот, па поради тоа најверојатно ќе биде продаден.

Хендерсон е седум години помлад од Де Геа, а покажа дека може да биде одлична замена за Шпанецот, па најверојатно ќе биде промовиран во прв голман за следната сезона.