Манчестер Јунајтед може да избере еден од тројца играчи на Јувентус

По информацијата дека Погба на навивачите на Јувентус им рекол дека сака да се врати во клубот, италијанскиот шампион подготви понуда.

Тој понуди еден од тројца играчи, плус пари за Французинот. Мурињо може да избере помеѓу Бенатија, Алекс Сандро и Манџукиќ, Мароканецот би бил решение во одбраната, а Хрватот силно го сакаше минатото лето и сега би бил добродојден како замена за Лукаку, но и играч кој може премногу да помогне на тимот.

Што се однесува на Алекс Сандро, од кога Лук Шо доби нов договор, Бразилецот повеќе не е актуелен. Ќе видиме дали оваа иницијатива на Јувентус ќе наиде на одговор од Јунајтед и колку Италијанците би требало да доплатат за својот поранешен играч кој го доведоа бесплатно, а потоа го продадоја на Јунајтед за повеќе од 100 милиони евра.