Лудо, но можно сценарио – Арсенал како шести во Лигата на шампионите, Тотенхем како четврти во ЛЕ!

Сценариото е навистина лудо, но не можеме да кажаме дека е невозможно.

Замислете вакво сценарио – Тотенхем четврти во Премиер лигата, Англичаните имаат пет претставници во Лигата, а помеѓу нив не се Спарсите!?

Условите се луди, но не се невозможни.

Имено, Англичаните како и Шпанците, Италијанците и Германциите имаат право на најмногу пет учесници во Лигата на шампионите – четири преку првенството и еден како евентуален шампион на Лигата на Европа или Лигата на шампионите.

Меѓутоа доколку англиските тимови ја освојат и Лигата на шампионите и Лигата на Европа, тогаш имаат предност во однос на четвртопласираната екипа од Премиер лигата.

Како треба да изгледа можното сценарио?

– Арсенал ја освојува Лигата на Европа, Челзи ја освојува Лигата на шампионите и не е помеѓу најдобрите четири во Премиер лигата, Тотенхем е аут и мора во Лигата на Европа.

– Арсенал ја освојува Лигата на Европа, Ливерпул триумфира во Лигата на шампионите, а не е помеѓу четирите најдобри, Тотенхем е аут и мора во Лигата на Европа.

Во двата случаи во Лигата на шампионите наредната сезона би играле Манчестер Сити, Манчестер Јунајтед, Челзи, Ливерпул (едните како шампиони во ЛШ, другите како третопласирани) и Арсенал како шампион во Лигата на Европа.