Ливерпул е блиску до посакуваното засилување

Ливерпул е блиску до комплетирање на трансферот на Рајан Гравенберх од Баерн Минхен.

Клоп ова лето сака да доведе најмалку две големи засилувања за средниот ред, а Гравенберх би требало да биде еден од нив.

Преговорите помеѓу двата клуба одат во добра насока и се очекува трансферот да биде договоре наскоро, тврдат медиумите на Островот.

20-годишниот холандски талент блесна во дресот на Ајакс и направи трансфер во Баерн, каде не добива голема минутажа и е спремен да ја промени средината.

Интерес за неговиот потпис покажаа неколку европски клубови, но Ливерпул ја победи конкуренцијата и е наблиску до комплетирање на трансферот.

Баерн за неговата слобода бара 25 милиони евра, сума која Ливерпул нема да има проблем да ја плати.