Ливерпул го победи Јунајтед 7:0, па денес изгуби од тимот кој го победи 9:0

Вистински шок доживера Ливерпул и тоа по победата против Манчестер Јунајтед од 7:0. Денес во рамките од 27-то коло избраниците на Јирген Клоп беа поразени од Бормут.

Да биде ситуацијата уште поинтересна, Ливерпул по историската победа против Јунајтеди изгуби од тимот кој во првиот дел од сезоната го победи со неверојатни 9:0. Трагичар за „црвените“ од денешната средба ќе биде Мохамед Салах кој во второто полувреме не реализираше пенал.

Моментот на одлука се случи во 28-та минута кога Билинг го искористи додавањето од Куатра кој претходно одлично истрча по добиената долга топка.

Ливерпул на табелата е петти со 42 бода, но Њукасл кој има бод помалку зад нив има и два натпревари помалку, додека Бормут од последното место скокна на 16-тата позиција.