Лејкерси подобри од Атланта, Феникс во одличен натпревар славеше со Далас 🎥

Кошаркарите на ЛА Лејкерси изминатата вечер ја победија Атланта со 107:99.

Лејкерси успеаа да дојдат до нова победа и во еден интересен меч ја совладаа Атланта. Актуелниот НБА шампион првата четвртина ја реши во своја корист со 28:25, а на полувреме се замина со 50:46 за Лејкерси.

Во продолжение Атланта заигра многу подобро и успеа да го сврти резултатот во своја корист. После третата четвртина Атланта водеше со 76:75, но Лејкерси во последната четвртина успеаа да го решат мечот.

Таа последна четвртина Лејкерси ја одиграа одлично и на крајот запишаа победа со 107:99.

Ентони Дејвис ги водеше Лејкерси со 25 поени, додека Леброн додаде 21 поен. Во екипата на Атланта се истакна Трае Јанг со 25 поени и дури 16 асистенции.

Треба да се истакне дека Портланд доживеа пораз од Милвоки 134:106, додека Феникс во одличен натпревар го победи Далас со 109:108.

Лука Дончиќ одигра натпревар во кој постигн 25 поени и додаде уште 5 скокови и 8 асистенции.