Леонардо: Реал не покажува почит и мораат да бидат казнети

Леонардо, спортскиот директор на ПСЖ за италијанската „Газета“ зборуваше за неговата актуелната ситуација во вицешампионите на Франција.

„Од Реал веќе две години јавно зборуваат за Мбапе и за тоа мораа да бидат казнети. Не не почитуваат. Не е Килијан некој просечен играч, тој е еден од најдобрите на светот. Тренерите, луѓето од раководството, играчите, сите зборуваат за Мбапе. Тоа е нивна стратегија која воопшто не ми се допаѓа“, изјави Леонардо.

Негова желба е Мбапе да остане во ПСЖ.

„Сакаме да го продолжиме договорот со него. Тоа не се менува, тој е бисер и совршен е за нашиот тим. Никогаш не сме планирале иднина без Мбапе“, објасни Леонардо.