Легендарниот напаѓач доживеал шок во својот дом!

Поранешниот италијански фудбалер Лука Тони пред неколку дена доживеал вистинска драма во неговиот дом.

 Италијанските медиуми објавија дека Лука Тони бил мета на крадци кои влегле во неговиот дом, а тој одлучи да се огласи што се случувало.

Многумина беа изненадени кога Тони потврди дека со своето семејство бил во неговиот дом во тој момент и сведочеше за се што се случувало.

„Вистина е, во четврток навечер дојде до инцидент. Тројца влегоа во мојот дом, додека бев со семејството. Имаа маски на лицето и земаа се што можат да земат. Ова беше траума за мене, а посебно за моето семејство, најважно е што сме добро“.

„Полицијата дојде затоа што некој од соседите пријавил што се случува. Сепак, успеаа да побегнат, а на камерите немаше многу што да се види. Сега само барам приватност за мене и моето семејство“, изјави Тони.