Левандовски во финалето ќе се обиде да сруши рекорд на Роналдо

Роберт Левандовски „брка“ рекорд на Роналдо но за да го сруши ќе треба да одигра на највисоко ниво во финалето.

Баварската машинерија вчера го разби Лион. Избраниците на Флик славеа со 3:0, а головите ги постигнаа Гнабри (два) и Левандовски. Со овие голови тие го срушија рекордот на тандемот Бејл/Роналдо од сезоната 2013/14.

Тогаш двоецот на Реал постигна 23 гола во Лигата на шампионите, Португалецот 17, а Велшанецот шест.

Вчера Гнабри го постигна својот деветти, а Левандовси петнаесети гол со што стигнаа до бројката од 24. Полскиот голгетер постигнува погодоци во серија и има постигнато барем по еден гол на последните девет натпревари во елитата. На тој начин го изедначи рекордот на Ван Нистерлој од сезоната 2003, а уште два му фалат за да го сруши рекордот на Роналдо од 2008 година.

Левандовски сега „брка“ 17 голови во Лигата на шампионите, толку голови во една сезона во ЛШ постигнал само Роналдо. Сепак треба да се спомене дека поради овогодинешниот формат на најелитното клупско натпреварување во Европа Левандовски ќе има два натпревари помалку.

Пред Лева е уште еден натпревар и тоа финалето со ПСЖ. Дали ќе успее барем да го изедначи или можеби да го подобри рекордот на Роналдо ќе видиме во недела.