Конте започна преговори со Реал Мадрид

Многу европски гиганти овие денови прават тренерски смени, па шпекулациите не стивнуваат.

После заминувањето на Зинедин Зидан, Реал Мадрид е во потрага по нов тренер, а прв фаворит е Антонио Конте.

Италијанските медиуми пренесуваат дека Реал веќе стапил во контакт со менаџерите на Конте и започнале преговори, а во „кралскиот“ клуб се надеваат брзо да стигнат до договор.

Конте има понуда и од ПСЖ, кој најверојатно ќе остане без тренер бидејќи Маурисио Покетино сака да се врати во Тотенхем.

Меѓутоа, Реал Мадрид е фаворит да го добие потписот на Италијанецот и се очекува наскоро двете страни да ги договорат сите детали.