Конечно радост за „топџиите“, Арсенал со гостинска победа (видео)

Арсенал после два порази конечно дојде до победа и тоа на гостувањето кај Саутемптон со 2:0.

„Топџиите“ уште од самиот старт тргнаа офанзивно и во првите десетина минути создадоа две големи шанси.

Водството стигна после катастрофалната грешка на голманот Мек Картни, која ја искористи младиот Нкетиах.

Во вторто полувреме Арсенал ја контролираше играта, создаваше шанси, а Саутемптон спорадично се закануваше.

Во 87-та минута Вилок зголеки на 2:0 и стави точка на натпреварот за важни три бода за „топџиите“.

Во другиот натпревар кој се играше во исто време, Барнли стигна до победа над Ватфорд со голот на Родригез.