Клубот се пошегува со тренерот за 1. април, а тој ги спакува куферите и замина

Првоаприлските шеги често знаат да направат вистински хаос во светот на спортот.

Често се случувало да дојде до некои големи конфузии поради светскиот ден на шегата, а она што се случило во Романија е навистина неверојатно.

Така за први април романскиот третолигаш Индустрија Галда со помош на локален портал одлучи да се пошегува со својот тренер.

Објавено е дека му е врачен отказ после три порази во три натпревари, а несреќниот човек тоа го сфатил сериозно, ги спакувал куферите и заминал од клубот.

На крајот му се јавиле да му кажат дека тоа е само првоаприлска шега. Тој сепак не го предводеше тренингот на клубот и нема да биде на клупата на утрешниот натпревар против Кугира, но се очекува негово враќање во клубот.

Неверојатно.