Клоп: Мурињо е исклучителен менаџер кого многу го ценам!

Менаџерот на Ливерпул, Јирген Клоп имаше само убави зборови за својот колега Жозе Мурињо, кој денес доби отказ од кормилото на Манчестер Јунајтед.

Викендов тимот на Клоп со 3:1 го победи Манчестер Јунајтед, што беше капката која ја прелеа чашата за Мурињо да добие отказ.

„Мурињо е многу амбициозен тип, имам голем респект кон него и неговите неверојатни успеси. Мислам дека последните месеци не беа многу пријатни за него. Секој ден мораше да се соочува со многу шпекулации, а тоа е проблем“.

„Меѓутоа, никој не може да му ги земе трофеите кои ги освоил. Се надевам дека тој заминува со таа мисла во главата, а не со некои работи кои се случија последните месеци. Мурињо е навистина исклучителен менаџер“, истакна Клоп.

Познат човекот кој “му врачи“ три откази на Мурињо https://t.co/DsodH8dArY

— Sportski.mk (@Sportski_mk) December 18, 2018