Кевин Де Брујн го откри следниот клуб по Манчестер Сити

Фудбалерот на Манчестер Сити, Кевин Де Брујн изјави дека по заминување од тој клуб би сакал да се пресели во Андерлехт, кај поранешниот соиграч Компани.

Компани по 11 успешни години во Сити и 360 натпревари, на почетокот на летото си замина во Андерлехт, со кого потпиша тригодишен договор.

„Се надевам дека неговата кариера во Андерлехт ќе биде одлична како во Сити. Му реков да ми чува место во тимот, за година или седум, кога ќе завршам тука. Ако тоа го направи, ќе ја имам следната дестинација, мојата следна работа. Ќе ми недостасува во Сити“, изјави Де Брујн.

Тој 2015. година од Волфсбург се пресели во Сити, а изјави дека Компани имал големо влијание на неговата одлука да дојде во Премиер лигата.