Како стојат работите во Чемпионшип? – Алиоски и Лидс најблиску до промоција!

Досега беа одиграни 23 кола во второто по ранг натпреварување во Англија со што се комплетираше првиот круг, а веќе од утре стартува втората половина од сезоната.

Кој е најблиску до пласман во Премиер лигата?

Засега лидер на табелата е екипата на нашиот Алисоки, Лидс. Овој клуб на Премиер лигата чека долги 14 години и никогаш во тој период не биле поблиску отколку сега.

Лидс е лидер со 48 бодови, еден повеќе од Норвич и тие две екипи се наоѓаат на позициите кои директно водат помеѓу најдобрите во Англија.

Позицијата од третото до шестото место водат во плеј-офот по завршување на сезоната, а во овој момент тие позиции ги држат ВБА, Миделсброу, Дерби и Шефилд.