Иџе на трката во Имола ќе стартува од седмата позиција

Во квалификациите за последната трка македонскиот автомобилист на ТЦР Италија шампионатот го освои седмото место.

Првата трка денес е закажана за од 16:00 часот, Иџе има добра позиција и ќе стартува како седмопласиран. Најбрзиот круг на Иџе денес беше со време од 1:53,778. Втората трка ќе се вози утре со почеток од 12:40 часот.

На патеката во Имоло „Енцо и Дино Ферари“ Иџе сезонава веќе еднаш се искачи на подиумот освојувајќи го третото место на трката кон крајот на август.