Историски момент: За првпат направени четири замени во исто време на официјален натпревар (ФОТО)

Во втората германска лига помеѓу Дармштат и Сент Паули во 27 коло денес видовме еден историски момент.

За првпат се случи на еден официјален фудбалски натпревар еден тренер да направи четири измени во исто време.

На стартот на второто полувреме стратегот на Ст.Паули Јос Лухукај се реши да промени дури четворица играчи во исто време. Вакво нешто претходно гледавме само на пријателските натпревари.

Ќе потсетиме ова е можно затоа што Интернационалната фудбалска асоцијација дозволи докрајот на оваа сезона секој тим да може да прави по пет измени поради згуснатиот распоред и големата пауза која ја имаа фудбалерите.

На оваа средба Дармштат победи со 4:0.