Интер спреми 30 милиони за ѕвездата на Челзи

Интер спрема понуда од 30 милиони евра за левиот бек на Челзи, Емерсон Палмери, пренесуваат италијанските медиуми.

„Сините“ се спремни да го продадат италијанскиот репрезентативец, но Лампард најпрво сака да донесе замена на таа позиција.

Конте е во потрага по квалитетно засиливање на левата беквоска позиција, првата желба беше Маркос Алонсо, но Шпанецот е прескап за „нероаѕурите“.

Конте одлично ги познава квалитетите на Палмери, бидејќи тој го донесе Стенфорд Бриџ, па смета дека ќе биде идеално засилување за Интер.