Интер му понуди трампа на Арсенал, но Икарди кажа НЕ!

Мауро Икарди не е во плановите на Интер и тренерот Конте за следната сезона, па „нероаѕурите“ сакаат што побрзо да се ослободат од Аргентинецот.

Икарди не сака да си замине од Италија, неговата желба е трансфер во Јувентус и ги одбива сите други понуди.

Италијанските медиуми тврдат дека „нероаѕурите“ го понудиле Икарди на англискиот премиерлигаш Арсенал, а во спротивна насока сакале да пристигне Пјер Емерик Обамејанг.

„Спорт Медиасет“ пренесува дека можноста за ваква трампа пропаднала, бидејќи Икарди веднаш одбил да се пресели на „Емирати“.

Аргентинецот сака трансфер во Јувентус, кој нуди само 40 милиони евра, а од друга страна Интер сака да извлече максимум од неговото заминување.