Интер купува од Јувентус?

Човекот на кого му истекува договорот на крајот од сезоната веројатно заминува од Јувентус, дали Интер е неговата наредна станица?

На крајот од сезоната Квадво Асамоа ќе биде слободен агент, истекува неговиот договор со Јувентус. Асамоа веќе доби неколку понуди, а според информациите на италијанските медиуми, една од нив е од Интер.

Асамоа во Јувентус е од 2012 година, но во овој момент нема никакви најави дека може да дојде до продолжување на соработката.

Овој фудбалер се поврзуваше со Галатасарај, но според последните информации сега и Интер се вклучил во трката.

Деталите за евентуалната понуда од „нероаѕурите“ во овој момент не се познати.