Интер конечно го доведува посакуваниот лев бек!

Интер ова лето доведе две засилувања, Милан Шкриниар од Сампдорија и Борха Валеро од Фиорентина, а италијанските медиуми пренесуваат дека на прагот е третото засилување за „нероаѕурите“.

Имено, еден од приоритетите на миланскиот гигант е доведување на лев бек, а прва мета е играчот на Ница, Долберт Енрике.

Овој 23-годишен Бразилец имаше одлична сезона во францускиот клуб и го привлече вниманието на многу европски гиганти, но најконкретен е интересот на Интер.

Долберт веќе има постигнато договор со „нероаѕурите“ и инисистира да се пресели во Милано, а медиумите пренесуваат дека и двата клуба се блиску до договор.

Имено, Интер испратил понуда од 15 милиони евра плус 5 милиони како бонуси, понуда која најверојатно ќе ја прифати францускиот клуб.

„Нероаѕирите“ сакаат што е можно побрзо да го комплетираат трансферот за да може играчот да отпатува со остатокот од тимот на турнеја во Кина.

Reports suggest Liverpool could be looking to weigh up a bid for OGC Nice full-back Dalbert Henrique #lfc #ogcnice pic.twitter.com/SYpRHrCXqw

— On The Ball (@ukOnTheBall) July 6, 2017