Интер и Реал Мадрид спремаат размена?

Италијанските медиуми утрово пласираа вест за можна размена помеѓу Интер и Реал Мадрид.

Имено, како што пренесува „Спортмедијасет“ Интер и Реал Мадрид спремаат размена на двајца играчи за врска кои сезонава не се насвоето ниво.

Според нивните информации Кристијан Ериксен би се упатил за Мадрид, додека за Милано би тргнал Иско.

Иско е „вишок“ кај Зидан и францускиот стратег му дава прилика само кога нема избор. Од друга страна Ериксен во Интер не успеа да се снајде и е далеку од формата со која играше во дресот на Тотенхем.

Ваква размена можеби би била добра за сите страни, промена на средината би можела да придонесе за подигнување на формата кај двајцата фудбалери.