Изненадување од Шпанија: Барселона го договори Феран Торес!

Барселона и Манчестер Сити се во последна фаза во преговорите за Феран Торес!

Оваа вест силно одекна во Шпанија и тоа доаѓа Ектор Гомез, еден од најпознатите новинари од Валенсија. Гомез важи за нвинар кој е близок со играчите на Валенсија, па така се уште е во контакт со Феран Торес кој минатото лето премина во Манчестер Сити.

Тој тврди дека Барселона и Сити постигнале договор за оштета од 50 милиони евра, а она што никој не му е јасно е од каде се овие пари на Барселона. Како што е познато Барселона е во тешка финансиска ситуација и не е јасно како ќе се реализира трансферот.

Се шпекулира дека директорот на Барселона, Матео Алемани сигурно ќе се ослободи од Кутињо, Умтити и Ленгле, па на тој начин би обезбедил пари за Торес. Валенсија поседува 10% од акциите на 21-годишниот фудбалер и од тие 50 милиони евра ќе треба да добие пет.

Чудно е и што Пеп Гвардиола одлучува да се ослободи од младиот фудбалер после само една година. Се наведува дека пресудила желбата на Торес да се врати во Шпанија, а му било и ветено дека ќе има важна улога во почетокот на новата ера на Барселона.