Измама во Манчестер Сити: Вработиле татко на млад играч како лажен скаут

Манчестер Сити во последно време се поврзуваше со многу афери, а „Атлетик“ сега открива уште една.

Имено, како што тврди новинарот на „Атлетик“ Дејвид Орнстеин во тек е истрага против Манчестер Сити. Станува збор за измама направена уште пред 10 години за која сега се дознало.

Сити во тоа време на сите начини се обидуваше да го доведе Бразилецот, Габриел Фернандо Алмеида, но тоа не им одеше баш најдобро.

Тогаш тие одлучија да го „вработат“ неговиот татко како скаут. Меѓутоа, неговиот татко бил лажен скаут, не работел ништо, а тие секој месец му исплаќале 1000 фунти.

Откако ова беше објавено сега се чека реакција од Манчестер Сити.