Ибрахимовиќ без влакна на јазикот го понижи Роналдо, го чекаме одговорот од Португалецот!

Кристијано Роналдо на почетокот на годината ги изненади сите кога отиде во Саудиска Арабија и потпиша за Ал Наср. На многумина тоа не им се допадна, а еден од нив е Златан Ибрахимовиќ кој тотално го девалвира потегот на Португалецот.

Златан Ибрахимовиќ низ кариерата беше познат како играч без влакна на јазикот. Така остана и откако се прости од фудбалот.

Никогаш немал проблем да зборува за некого. Сега на ред е Кристијано Роналдо.

Во неодамнешното интервју за Пирс Морган, Златан Ибрахимовиќ зборуваше за заминувањето на играчите во Саудиска Арабија и ги претстави на свој начин. Тој откри дека и тој добил профитабилни понуди, но веднаш ги одбил.

„Имав понуди од Кина, но и од Саудиска Арабија, но тоа не беше мојата цел. Секогаш велев дека големите играчи треба да ја завршат кариерата на високо ниво. Луѓето треба да ги паметат по нивниот талент, а не по тоа колку заработиле.

Долги години тренираме луѓето да ги паметат нашите настапи на теренот. Играчите кои го достигнале највисокото ниво мора да го одржуваат и по пензионирањето“, изјави 42-годишниот Швеѓанец.

“Не можете да паднете на тоа ниво, а потоа да ја завршите кариерата. Колку повеќе пари сакате? Можам да разберам некои играчи кои одат таму бидејќи не заработиле многу во текот на кариерата. Но, што е со останатите? Разликата меѓу мене и другите играчи е дека не ми требаат пари, но сум многу скап“, вели Златан Ибрахимовиќ.

Кога водителот го прашал дали има морални проблеми да игра во Саудиска Арабија, поранешниот фудбалер одговорил:

„Не, но ми е жал за оние играчи кои играа таму пред многу години и не можеа да заработат толку како денес“.

Zlatan Ibrahimovic calls out Cristiano Ronaldo for his move to Saudi Arabia 😤 pic.twitter.com/O0zUZ3Q5Ig

— GOAL (@goal) October 6, 2023