Захариевски повеќе не е тренер на Струга!

Лидерот на табелата во ПМФЛ, Струга Трим Лум вчера вечер објави соопштение во кое потврди дека дошло до разделба со тренерот Срѓан Захариевски.

Струга не играше како на почетокот на сезоната и само благодарение на поразот на Шкупи од Силекс во Кратово остана на лидерската позиција во ПМФЛ. Сепак, заминувањето на Захариевски е изенанување.

„Сакаме да ја известиме јавноста дека ја прекинавме соработката со Срѓан Захариевски. Ова е одлуката на клупското раководство и тренерот ја прифати. Ти благодариме Захариевски“, објавија стружани.

Најголемиот успех на Захариевски со Струга во трите сезони беа изборените европски квалификации.