Жоржињо го напушта Челзи за да се врати во Серија А?

Како што стојат работите италијанскиот репрезентативец Жоржињо ќе си замине од Челзи ова лето.

Италијанскиот новинар Николо Шира објави дека Жоржињо ќе ги напушти „сините“ на една година пред истекот на договорот. Причината за заминувањето на Жоржињо наводно е неговата желба да се врати во Серија А.

Шира додава и дека Жоржињо вчера била на вечера во Милано, а неодамна интерес за него покажуваше и Јувентус. Засега не е познато дали и со кого преговарал Жожржињо во Милано.

Серија А е добро позната на Жоржињо затоа што настапуваше за Наполи од каде што премина во Челзи заедно со тренерот Маурицио Сари.