Елмас и Џани во ист клуб: Наполи тргнува по Алиоски

Македонскиот репрезентативец Езгјан Алиоски најверојатно ќе му стане соиграч на Елиф Елмас во Наполи од следната сезона.

Најновите информации од Англија говорат дека Алиоски ја одбил и последната понуда од Лидс и ќе го напушти клубот како слободен агент.

Интерес за него покажува Галатасарај, но сега и Наполи се приклучи во трката за неговиот потпис и наводно е спремен да ја победи конкуренцијата.

Наполи бара засилување за левата бековска позиција и сака пред почетокот на Европското првенство да го добие потписот на Алиоски.

Италијанскиот клуб му нуди петгодишен договор со плата од 2 милиони евра по сезона.