„Екип“ најави пресврт: Нејмар останува во ПСЖ!?

„Војната“ која започна пред неколку месеци помеѓу Нејмар и ПСЖ е завршена, тврди францускиот „Екип“.

Бразилецот влезе во конфликт со управата на клубот од Париз и го искажа своето нездоволство. Нејмар правеше напори клубот да му дозволи трансфер во Барселона.

Во текот на целото лето се пишуваше за интерес од Барселона и Реал Мадрид за Нејмар, а каталонскиот клуб испраќаше неколку понуди, но тие не беа доволни за управата на ПСЖ да го пушти Нејмар.

Уште повеќе се засилија шпекулациите откако Нејмар не се најде во составот за натпреварите од Лига 1, меѓутоа сега Французите пишуваат дека дошло до помирување.

„Нема повеќе „војна“ помеѓу двете страни. Во последните неколку денови клубот и Нејмар одново се во нормални односи“, ги пренесува „Eкип“ зборовите на нивниот анонимен извор.

Нејмар не е во составот на тимот за вечерашниот дуел против Тулуз во Лига 1, но Тухел потврди дека Бразилецот работи одлично на тренинзите и максимално е посветен на обврските.

Les relations entre #Neymar et la direction parisienne seraient en cours d’amélioration.
Le #PSG et le clan Neymar souhaiteraient trouver une solution pour permettre au joueur de rester une saison supplémentaire en France.
(@lequipe) pic.twitter.com/srQ7A7ymzU

— NeymarFR (@NeymarFr_) August 24, 2019