Една објава на Роналдо на Инстаграм вреди 3,5 милиони долари

Ѕвездата на Манчестер Јунајтед, Кристиано Роналдо и понатаму е највлијателниот фудбалер на социјалната мрежа „Инстаграм“.

Истражувањето на „Нилсен“ е објавено од „Би-Би-Си“, а според него Португалецот стигнал до 480 милиони следачи на Инстаграм, при што проценетата медиска вредноста на секоја негова објава надминува 3,5 милиони долари.

Рангирањето се заснова на алатка за мерење влијание која го зема предвид бројот на следбеници, зголемувањето на следбениците, стапката на ангажираност и просечната вредност на брендот по објава на Инстаграм.

Роналдо е на врвот на рангирањето пред напаѓачкото трио на ПСЖ – Лео Меси, Нејмар и Килијан Мбапе.