Дресот со кој Марадона ја изведе „Божјата Рака“ ќе се продаде за вистинско богатство

Дресот кој Марадона го носеше во натпреварот против Англија на Светското првенство во 1986 година кога со славната „Божја Рака“ се запиша во листата на стрелци е ставен на продажба со почетна цена од четири милиони фунти или скоро пет милиони евра.

На тој натпревар Диего ги покажа своите две страни – контроверзноста и фудбалската генијалност. После голот со рака следуваше гол по еден неверојатен слалом против речиси цел противнички тим.

Овој дрес по натпреварот заврши кај поранешниот англиски репрезентативец Стив Хоџ со кого Марадона се размени. Сега Хоџ одлучи да го продаде овој дрес и од него ќе заработи вистинско богатство. Аукцијата ќе биде отворена на 20. април.