Додека УЕФА ја спрема санкцијата, клубот на Даку најави казна

И понатаму има реакции поради скандалозното однесување на албанскиот репрезентативец, Мирлинт Даку по натпреварот против Хрватска.

Европската куќа на фудбалот (УЕФА) отвори истага против Даку, кој во меѓувреме се извини за потегот, но тоа нема да го спаси од санкција.

„Даку си дозволи да испрати навредливи пораки. Нашиот клуб ја прифаќа одговорноста за тоа што се случи. Рубин Казан е тим кој секогаш се придржува до принципите за еднаквост и категорично ги осудува сите видови на дискриминација, па против фудбалерот ќе бидат преземени дисциплински и финансиски санкции“, соопшти Рубин Казан.